ჩრდილოეთ ამერიკელი ადვოკატი ქართულ საგამოძიებო უწყებებს მკვლელობის საქმეზე შეგროვილ მტკიცებულებებს უწუნებს.
ვიშალ შარმა (გიორგი მიქაძის კანადელი ადვოკატი) აცხადებს, რომ მისი დაცვის ქვეშ მყოფის წინააღმდეგ ბრალდება ვერ დამტკიცდება. მიქაძეს საქართველოში მკვლელობის ორგანიზების მუხლით ასამართლებენ. ადვოკატის შეფასებით, საქმის მასალებში საკმარისი მტკიცებულებები არ იკვეთება.
ვიშალ შარმას არ დაუკონკრეტებია, რა სტრატეგიას გეგმავს დაცვის მხარე, თუმცა ცნობილია, რომ გიორგი მიქაძეს, როგორც კანადის მოქალაქეს, პენიტენციურ დაწესებულებაში საქართველოს კანადელი გენერალური კონსული უკვე შეხვდა.
დღევანდელ სასამართლო სხდომაზე შარმა ქართველ ადვოკატებთან ერთად ესწრებოდა პროცესს, სადაც პროკურატურა წერილობით მტკიცებულებებს წარმოადგენდა. სახელმწიფო ბრალდების მხარემ დაახლოებით საათნახევრის განმავლობაში საქმის მასალები განიხილა.
დღეს უნდა დაკითხულიყვნენ სამი მოწმე – გიორგი ჯოხაძის მეუღლე და ამავე საქმეზე ბრალდებული ორი პირი, გიორგი კაჭკაჭაშვილი და დავით ჩუბინიძე. თუმცა სამივე მათგანმა ბრალდებულების წინააღმდეგ ჩვენების მიცემაზე უარი განაცხადა.