სამეცნიერო ჟურნალმა Human Reproduction-მა ცოტა ხნის წინ პირველი გლობალური კვლევის მონაცემები გამოაქვეყნა, რომლის თანახმად, ბოლო ორმოცი წლის განმავლობაში მსოფლიოში იმაზე მეტი ტყუპი დაიბადა, ვიდრე ოდესმე.
კვლევის შედეგებზე დაყრდნობით, ექიმებმა დაასკვნეს, რომ თუ 1980 წელს ყოველ 1000 ახალშობილზე მხოლოდ 9 ტყუპი იბადებოდა, ახლა ეს მაჩვენებელი 12-მდე გაიზარდა. ეს ნიშნავს, რომ მსოფლიოში ყოველწლიურად 1,5 მილიონზე მეტი ტყუპი იბადება ანუ ყოველი 42 ახალშობილიდან 1 ტყუპია.
ექიმებმა აღმოაჩინეს, რომ ტყუპების რაოდენობის ზრდა, ძირითადად, ხელოვნური განაყოფიერებით არის გამოწვეული, თუმცა სხვა ფაქტორებიც მნიშვნელოვანია – მსოფლიოში მშობიარე ქალების საშუალო ასაკი მნიშვნელოვნად გაიზარდა. ამასთან, რაც უფრო უფროსია ქალი, მით უფრო დიდია მისი მრავალნაყოფიანი ორსულობის ალბათობა. მნიშვნელოვან როლს თამაშობს ორალური კონტრაცეპტივების გამოყენებაც.
ექიმები აღნიშნავენ, რომ მხოლოდ ორნაყოფიანი ტყუპების (ანუ სხვადასხვა კვერცხუჯრედიდან დაბადებული ტყუპების) შემთხვევები გაიზარდა, მრავალნაყოფიანი მშობიარობის შემთხვევები კი უცვლელი დარჩა.
„ორმაგი ბედნიერების“ მიუხედავად, ექიმები ყველას ახსენებენ, რომ თანამედროვე მედიცინის ყველა მიღწევის მიუხედავად, ტყუპების მშობიარობა ერთ-ერთ ყველაზე საშიშ სამედიცინო პროცედურად რჩება, რომელიც საფრთხეს უქმნის როგორც დედის, ასევე ბავშვის სიცოცხლეს.