უკრაინელებმა ბელგოროდში ელექტროსადგური, ოკუპირებულ ლუგანსკში კი ნავთობბაზა დაბომბეს- ინფორმაციას უკრაინული Telegram-არხები ავრცელებენ და წერენ, რომ ბელგოროდზე თავდასხმა HIMARS-ის ტიპის რაკეტებით განხორციელდა.
მათივე ცნობით, აფეთქებების შედეგად ბელგოროდის მოსახლეობის ნაწილს ელექტროენერგია არ მიეწოდება და მიმდებარე ტერიტორიაზე გაჩნდა ხანძარი. უკრაინული მედიის ინფორმაციით, ოკუპირებულ ლუგანსკში „ჩერკასკა“-ს ნავთობბაზა იწვის. დეტალები უცნობია.