“არის ერთი თემა, რომელზეც არასდროს გისაუბრია, სიყვარული, რომლის გამოც საქართველოში დაბრუნდი” , – ამ სიტყვებით მიმართა ტელეწამყვანმა თათია შარანგიამ საავტორო გადაცემაში “სთორი”, მის რესპონდენტს, მსახიობსა და ტელეწამყვან ია ფარულავას, რაზეც მან შემდეგნაირი პასუხი გასცა:
“ამას ვინახავ ექსკლუზიურად. ეს მე წიგნად უნდა დავწერო, ახლა არ იქნება სწორი საუბარი, ამ ახზე თან… ახლა შენ ხომ არ დაგავიწყდა იმ არხზე რა უნდოდათ… მე არ ვაპირებ ამ თემაზე საუბარს” , – უპასუხა ფარულავამ.
თათია შარანგია :-“ამ თემაზე იმიტომ არ ყვები, რომ მიხეილ სააკაშვილზეა საუბარი? ვიცი, რომ ძალიან უყვარდი”
ია ფარულავა: – “ჩვენ კლასელები ვიყავით, ერთ მერხთან ვისხედით, დაწყებით ნულ და პირველ კლასებში ძალიან ვუყვარდი”
თათია შარანგია: – “რას ფიქრობ იმასთან დაკავშირებით, რომ დღეს ის პატიმრობაშია?”
ია ფარულავა: – “მიშა აუცილებლად, დაუყოვნებლივ უნდა გაათავისუფლონ, მისი პატიმრობა არის დანაშაული. ჩემი პიროვნული დამოკიდებულება მიშა სააკაშვილის, როგორც მამაკაცის მიმართ ეს ერთია და ჩემი, როგორც მოქალაქის დამოკიდებულება მიხეილ სააკაშვილის პერსონის მიმართ არის სულ სხვა…
ყველამ დავინახეთ, რომ მიშა აღმოჩნდა საოცარი პოლიტიკური ალღოს მქონე ადამიანი, შეიძლება ითქვას ნათელმხილველი, უდიდესი პროგნოზების გამკეთებელი. რაც მან თქვა, ყველაფერი ისე ხდება. ჩვენ უნდა გავუფრთხილდეთ ამ ადამიანს.”
5,689 ნახვა
