მედიკამენტებისა და ჯანდაცვის პროდუქტების მარეგულირებელმა სააგენტომ (MHRA) დაამტკიცა იმლუნესტრანტ ტოზილატი, ბრენდირებული როგორც Inluriyo, მოზრდილებისთვის, რომლებსაც აქვთ ადგილობრივად გავრცელებული ან მეტასტაზური სარძევე ჯირკვლის კიბო, რომელიც ესტროგენის რეცეპტორ-პოზიტიურია (ER-positive), HER2-უარყოფითი და რომელიც არ რეაგირებს ან პროგრესირებს მინიმუმ ერთი ჰორმონოთერაპიის კურსის შემდეგ.
მედიკამენტი გამოიყენება მხოლოდ ESR1 გენური მუტაციის მქონე პაციენტებში და წარმოადგენს პერორალურ თერაპიას, რომელიც ხელს უწყობს სიმსივნური უჯრედების ზრდისა და გავრცელების შეჩერებას.
ესტროგენის რეცეპტორების ბლოკირებითა და განადგურებით, მედიკამენტი ხელს უშლის სარძევე ჯირკვლის კიბოს ზრდასა და გავრცელებას. ის ხელს უწყობს კიბოს უჯრედების განადგურებას. Inluriyo–ს მიღება დღეში ერთხელ პერორალურად, ტაბლეტის სახით ხდება.
MHRA–ის წარმომადგენელი ჯულიან ბიჩი აღნიშნავს, რომ პაციენტის უსაფრთხოება პრიორიტეტია, ხოლო მედიკამენტის დამტკიცება უზრუნველყოფს ახალ შესაძლებლობას მათთვის, ვისაც ჰორმონალური მკურნალობა ვერ დაეხმარა.