გამოძიებით გამოვლინდა, რომ ტუკვაძეს აქვს გამზადებული ყალბი ოფიციალური დოკუმენტი და მერე გამოყენებული, – ამის შესახებ დავოკატმა დიმიტრი ხაჩიძემ სასამრთლო პროცესის შემდეგ განაცხადა.
მისი თქმით, ტუკვაძის აღნიშნულ ქმედებას არანაირი შეფასება არ მისცემია, რაც კანონით უნდა მომხდარიყო.
ადვოკატის თქმით, ე.წ. ოქროს მოწმე აღნიშნულ საქმეზე სამჯერ გამოკითხეს და სამივეჯერ განსხვავებული ჩვენება მისცა.
“გამოძიებით გამოვლინდა, რომ ტუკვაძეს აქვს გამზადებული ყალბი ოფიციალური დოკუმენტი და მერე გამოყენებული. ამ ქმედებას არანაირი შეფასება არ მისცემია, სამართლებრივი, გამოძიების მიერ, რაც კანონით უნდა მისცემოდა, თუმცა, მისცა ჩვენება ტუკვაძემ, ამის შემდეგ დამთავრდა, ამიტომ არის, რომ ტუკვაძემ თავი დაიხსნა ამ ჩვენებით. ის სამჯერ არის გამოკითხული და სამივეჯერ განსხვავებული ჩვენებაა, თუმცა, იძახის, რომ სამივეს ვადასტურებო, რანაირად გამოდის ეს ამბავი, ვერ ვხვდები, -ამბობს ტუკვაძე.
კითხვაზე მოხდა თუ არა გარიგების შეთავაზება ტუკვაძისადმი, ემხილებინა თავდაცვის სამინისიტროს ექს მაღალჩინოსნების, საკუთარი თავისუფლების სანაცვლოდ, ადვოკატი პასუხობს:
არ ვიცი, ასეთი დოკუმენტი საქმეში არ მოიპოვება, ვერ გეტყვით, ეს შეიძლება მათ შორის რაიმე უკანონო გარიგება იყო, მაგრამ ფურცელზე არავის გადაუტანია, – აცხადებს ხაჩიძე.
ხომ არ დაინტერესდება გამოძიება ტუკვაძის პიროვნებით, რადგან მის მიმართ არსებობს კითხვები და ასევე ის ფაქტიც, რომ ქვეყანა დატოვა- საქმის პროკურორი ამბობს:
ქვეყანა დატოვა დიდი ხნის წინ, რადგან მისი მეუღლე ამერიკის მოქალაქეა და იქ ცხოვრობს, თუმცაღა, მოცემულ შემთხვევაში, მსგავსი რამ გამოძიების მხრიდან არ იგეგმება.
ცნობისთვის, სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე ბრალდებულ თავდაცვის ყოფილ მინისტრს, ჯუანშერ ბურჭულაძეს საერთო ჯამში 1 593 212 ლარის უკანონო და დაუსაბუთებელი შემოსავლის ლეგალიზაციას ედავებიან.
შეგახსენებთ იმასაც, რომ დიდი ოდენობით თანხის გაფლანგვის ბრალდებით დაკავებული არიან თავდაცვის მინისტრის ყოფილი მოადგილე, გიორგი ხაინდრავა, ამავე სამინისტროს შესყიდვების დეპარტამენტის ყოფილი უფროსი, ვლადიმერ ღუდუშაური და ჯუანშერ ბურჭულაძის ცოლის ძმა, ვასილ მხეიძე.