ტელეკომპანია “იმედისა” და PosTV-ის დასანქცირების შემდეგ დიდი ბრიტანეთის ელჩი, გარეტ უორდი საქართველოს საგარეო საქმეთა სამინისტროში დაიბარეს. ამის შესახებ “ქართული ოცნების” საგარეო საქმეთა მინისტრმა მაკა ბოჭორიშვილმა “რუსთავი 2-ის” ეთერში განაცხადა.
მისი თქმით, ბრიტანეთის ელჩს სამინისტროში ხვალ, 26 თებერვალს ელოდებიან.
ხვალ ველოდები, რომ ბრიტანეთის ელჩი მოვა საგარეო საქმეთა სამინისტროში. ჩვენ მოვითხოვთ განმარტებას რა არის საფუძველი ასეთი გადაწყვეტილების რომ ქართული ტელევიზიები [დასანქცირდნენ],” – თქვა ბოჭორიშვილმა.