“რა ნეიტრალიტეტზეა საუბარი მაშინ, როდესაც მეგობარ ქვეყანაში ომია, ადამიანები იხოცებიან?!, – ამის შესახებ თბილისის მერმა, „ქართული ოცნების“ გენერალურმა მდივანმა, კახა კალაძემ „პატრიოტთა ალიანსის“ მოსკოვში ვიზიტთან დაკავშირებით განაცხადა.
მისი შეფასებით, მსგავსი ვიზიტებით მისთვის კატეგორიულად მიუღებელია.
„რა ნეიტრალიტეტზეა საუბარი მაშინ, როდესაც მეგობარ ქვეყანაში ომია, ადამიანები იხოცებიან, ქვეყანა ინგრევა, ქალაქები ნადგურდება?! ასეთი ვიზიტები ნამდვილად არ არის მისაღები. ჩემთვის პირადად, კატეგორიულად მიუღებელია“, – განაცხადა კალაძემ.
კახა კალაძის აღნიშნულ შეფასებას “ცენტრ პოინტის” დამფუძნებელი გუკა რჩეულიშვილი სოციალურ ქსელში ეხმაურება:
“ეს პოზიცია ჩემთვის მისაღებია. საერთოდ ყველას უნდა დაუფასდეს რუსეთის ქმედებების სწორი შეფასება”, – წერს რჩეულიშვილი “ფეისბუქი”- ს პირად გვერდზე.
ცნობისთვის, „პატრიოტთა ალიანსის“ წარმომადგენლები მოსკოვში იმყოფებიან და შეხვედრებს მართავენ. ირმა ინაშვილის თქმით, “ჩვენც უნდა ვესაუბროთ რუსეთს ნეიტრალიტეტზეც, მშვიდობაზეც… და მტრობა და ომი რომ არ გვინდა, ამაზეც”.
1,042 ნახვა
