გურჯაანის მუნიციპალიტეტში მომხდარ ავტოსაგზაო შემთხვევას სამი ადამიანის სიცოცხლე ემსხვერპლა. გარდაცვლილთა შორის ერთი არასრულწლოვანია. ამის შესახებ “ინტერპრესნიუსი” წერს.
გამოცემის ცნობით, ტრაგედია სოფელ მელაანში გვიან ღამით მოხდა. ადგილობრივების ინფორმაციით, მსუბუქი ავტომობილი, რომელშიც ხუთი ადამიანი იმყოფებოდა, შეჯახების შემდეგ ამობრუნდა და ცეცხლი გაუჩნდა.
ცეცხლმოკიდებული მანქანიდან გადმოსვლა ორმა მგზავრმა შეძლო, ხოლო სამი პირი ავტომობილში დარჩა და მათი გადარჩენა ვერ მოხერხდა.