სტატისტიკის ეროვნული სამსახურის ინფორმაციით, 2026 წლის იანვარში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 74.5 პროცენტი შეადგინა. უმსხვილეს საექსპორტო სამეულში პირველ ადგილს ჩინეთი იკავებს 66.1 მლნ. აშშ დოლარით, მეორე ადგილზეა თურქეთი 52.1 მლნ. აშშ დოლარით, ხოლო მესამეზე – ყირგიზეთი 49.9 მლნ. აშშ დოლარით.
რაც შეეხება იმპორტს, საქსტატის ცნობით, 2026 წლის იანვარში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 71.4 პროცენტი შეადგინა. პირველ სამეულში შედიან: თურქეთი 195.0 მლნ. აშშ დოლარით, ჩინეთი 157.3 მლნ. აშშ დოლარით და რუსეთი 156.8 მლნ. აშშ დოლარით.
ამასთან, უწყების ანგარიშით, 2026 წლის იანვარში სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 100.7 მლნ. აშშ დოლარით, რაც მთელი ექსპორტის 21.0 პროცენტს შეადგენს. მეორე ადგილს იკავებს ნავთობი და ნავთობპროდუქტები 58.7 მლნ. აშშ დოლარით, ხოლო ძვირფასი ლითონების მადნები და კონცენტრატები მესამე ადგილზეა 51.0 მლნ. აშშ დოლარით.
უმსხვილესი საიმპორტო სასაქონლო ჯგუფი 2026 წლის იანვარში კი წარმოდგენილი იყო მსუბუქი ავტომობილების სახით, რომლის იმპორტმა 150.0 მლნ. აშშ დოლარი და მთელი იმპორტის 13.3 პროცენტი შეადგინა. მეორე ადგილს იკავებს ნავთობი და ნავთობპროდუქტები 96.7 მლნ. აშშ დოლარით, ხოლო მესამე ადგილზეა ნავთობის აირები და სხვა აირისებრი ნახშირწყალბადები 79.1 მლნ. აშშ დოლარით.