ყოფილმა ვიცე-პრემიერმა და ეკონომიკის მინისტრმა ლევან დავითაშვილმა ქვეყანა დატოვა – ამის შესახებ ინფორმაციას TV პირველი ავრცელებს
17 თებერვალს ყოფილი ვიცე-პრემიერი ლევან დავითაშვილი და გაზისა და ნავთობის კორპორაციის ყოფილი დირექტორი გიორგი ჩიქოვანი სუს-ში 7 საათის განმავლობაში გამოკითხვაზე იმყოფებოდნენ. უწყებიდან გამოსულმა დავითაშვილმა თქვა, რომ კითხვები საქართველოს გავლით ევროპის გაზით მომარაგების საკითხს ეხებოდა. მოგვიანებით, სუს-ი დავითაშვილის ინტერვიუს განცხადებით გამოეხმაურა და განმარტა, რომ მის კომენტარში ორი “არსებითი უზუსტობა” იყო. “დავითაშვილი ანტიკორუფციულ სააგენტოში იყო გამოკითხვაზე კონკრეტულ სისხლის სამართლის საქმეზე და არა შეხვედრაზე, აქ საკითხები რომ განეხილა.” – განაცხადა სუს-მა