მოკლული გიგა ავალიანის დედა ამბობს, რომ მისი შვილის მკვლელობა 26 სექტებერს დაიგეგმა. ამის თქმის საფუძველს ეკა კუპატაძეს სისხლის სამართლის მასალები აძლევს, რომელიც ოჯახს გუშინ გადასცეს.
პროკურატურის ვერსიით, სწორედ ამ დღეს ჩამოტვირთა ბრალდებულმა ა. გ.-მ ავალიანის ფეისბუქის გვერდიდან გიგა ავალიანის ფოტოები.
ეკა კუპატაძე ასევე საუბრობს საქმის ახალ ფიგურანტებზე – მათ შორის შს მინისტრის ყოფილი მოადგილის შვილზე. მოკლული მასწავლებლის დედის თქმით, ასევე არის ბევრი პირი, ვინც დანაშაულის შესახებ წინასწარი იცოდა და გამოძიებას არ შეატყობინა.
“ყველას სახელებით და გვარებით ჩამოვწერ და ყველას დავსვამ საბრალდებო სკამზე” – აცხადებს “პირველებთან” ეკა კუპატაძე.
“გიორგი მალანია, რომელიც არის შსს მინისტრის ყოფილი მოადგილის შვილი (მერაბ მალანია იყო შს მინისტრის მოადგილე გიორგი გახარიას დროს). ეს არასრულწლოვანი არის საქმის ფიგურანტი. არის ასევე გიორგი რიკაძის შეყვარებული, რომელმაც საქმე მანამდე იცოდა. გაბაშვილის ტელეფონში ჩანს, რომ გიგა ავალიანის სურათები იყო 26 სექტმებერს ჩამოტვირთული. 26 სექტემბერი არის ის დღე, რომელსაც მე ვიძახი პირველივე წამიდან, რომ სწორედ ამ დრეს დაიგეგმა გიგა ავალიანის მკვლელობა. დემეტრე ჩიქოვანი არის პირველი წამქეზებელი – პირვრლ წამქეზებელ წინადადებას ეუბნება დემეტრე ჩიქოვანი გაბაშვილს. ამ დაკავებულებიდან სავარაუდო ვინც იკვეთება დასაკავებელი ხალხის გარდა, როგროც ვამბობდი, არის ძალიან ბევრი, ვინც იცოდა გიგას მკვლელობის შესახებ, ზოგმა მანამდე, ზოგმა იმის შემდეგ.
კი ბევრი ფიგურანტია. იცით რამდენია, ვინც ეს იცოდა და არ შეატყობინა. აბსოლუტურად ყველას სახელებით და გვარებით ჩამოვწერ და ყველას დავსვამ საბრალდებო სკამზე”, – აცხადებს ეკა კუპატაძე.