საქართველოს მოქალაქე რუსეთში უკრაინის შეიარაღებული ძალების მხარეს ბრძოლის გამო „გაასამართლეს“.
ე.წ. დონეცკის სახალხო რესპუბლიკის სასამართლომ ქართველ მებრძოლს, 47 წლის ზაზა ცხოვრებაძეს მკაცრი რეჟიმის კოლონიაში 14 წლით თავისუფლების აღკვეთა დაუსწრებლად მიუსაჯა და მასზე საერთაშორისო ძებნა გამოაცხადა.
ზაზა ცხოვრებაძე დამნაშავედ ცნეს რუსეთის სისხლის სამართლის კოდექსის 359-ე მუხლის მე-3 ნაწილით, რაც გულისხმობს შეიარაღებულ კონფლიქტში დაქირავებული მებრძოლის მონაწილეობას.
ზაზა ცხოვრებაძე რუსეთის წინააღმდეგ წლებია იბრძვის, მიღებული აქვს სახელმწიფო ჯილდოებიც.