ქართველი მებრძოლი, ბახვა ჩიქობავა 19 მარტის დილას ქალაქ მარიუპოლში რუსული აგრესიის წინააღმდეგ ბრძოლისას დაიღუპა. გარდაცვლილი მებრძოლი საქართველოს პარლამენტის ყოფილი დეპუტატის, ხათუნა ხოფერიას მამიდაშვილია. ამ დრომდე ვერ ხერხდება ბახვა ჩიქობავას ცხედრის გადმოსვენება. აღნიშნულთან დაკავშირებით ხათუნა ხოფერია სოციალურ ქსელში წერს:
„მე რომ ჩამოვიდე?…
ბახვას ცხედარი რომ გამომატანოთ?…
… ან კი, დარჩა რაიმე ამდენი ხნის შემდეგ?..
… გამოიტანეთ მარიოპოლიდან?…
… უპატრონეთ?…
… საერთოდ, იცის ვინმემ სად არის?…
ჩვენ არაფერი ვიცით…
მოკლედ, არსებობს ვინმე სულიერი, ვინც იღებს პასუხისმგებლობას, რომ ექსპერტიზის შემდეგ, ბახვას ყველა ქრისტიანული წესის დაცვით მივაბარებთ თავის მამიკოს, ძმას, წინაპრებს… რომ მამიდაჩემი სანთელს დაანთებს თავისი საამაყო შვილის საფლავზე და ვალმოხდილი წავა თავის ოჯახთან… არსებობს ვინმე ღვთისმიერი?“, – წერს ხოფერია “ფეისბუქი”-ს პირად გვერდზე.
297 ნახვა
