კოკა მორგოშია ვიდეო-მიმართვის გავრცელების შემდეგ, “TV პირველებთან” იმ ყოფილი მაღალჩინოსნების გვარებს ასახელებს, რომლებიც მისი თქმით, ნიკო კვარაცხელიას მკვლელობის საქმეზე უნდა გამოიკითხონ.
“ალტ-ინფოს” დამფუძნებელი ამბობს, რომ ყოფილი გენერალური პროკორორი, ოთარ ფარცხალაძე, რომელმაც მისი მტკიცებით, მკვლელობის დამკვეთად დასახელებული ძმები – დავით და გურამ კაკულიები ქვეყანაში შემოუშვა, ამას მაშინდელი სუს-ის უფროსის, გრიგოლ ლილუაშვილის თანხმობის გარეშე ვერ შეძლებდა.
მორგოშია ამბობს, რომ გამოსაკითხია, როგორც ფარცხალაძე, ისე გრიგოლ ლილუაშვილი, ასევე ყოფილი პროკუორები – გიორგი გაბიტაშვილი და ირაკლი შოთაძე და შინაგან საქმეთთა მინისტრის ყოფილი მოაგილე, შალვა ბედოიძე.
TV პირველთან მორგოშია ახსენებს საქმის პროკურორს გია შაიშმელაშვილსაც.
“ოცნების” პროკურატურა იყო სრულად ოთარ ფარცხალაძის “ზავიდენია”. სიბინძურეების თავი ფარცხალაძე და მისი გარემოცვაა, მაგრამ, რადგან პარტნიორები იყვნენ ყველაფერში, თავისთავად ცხადია, რომ ფარცხალაძე ლილუაშვილის გარეშე ამ უბედურებებს ვერ დაატრიალებდა.
ამ საქმეზე მინიმუმ გამოსაკიტხი მარტო ლილუაშვილი და ფარცხალაძე კი არ არის, ბედოიძეც გამოსაკითხია, გაბიტაშვილიც გამოსაკითხია, შოთაძეც გამოსაკითხია და (გია) შაიშმელაშვილი (საქმის პროკურორი) საერთოდ კოცონზეა დასაწვავი”, -ამბობს კოკა მორგოშია.
მორგოშიას მტკიცებით, სწორედ ფარცხალაძის გარემოცვამ მიაწოდა არასწორი ინფორმაციას ძმებ კაკულიებს იმის შესახებ, რომ მათი მამის მკვლელობაში ნიკო კვარაცხელიას მამის, “კანონიერი ქურდის” გია კვარაცხელიას ხელი ურევია.
ვიდეო-მიმართვაში, მორგოშია თბილისში მომხდარი სხვადასხვა გახმაურებულ საქმეებზე საუბრობს და ამბობს, რომ მათი “ჩაფარცხვის” უკან კონკრეტული მაღალჩინოსნები იდგნენ.
“ვიღაცა ეშმაკები ისხდნენ კოკაინ გაყნოსილები, როგორც გეიმერების კლუბი და ამ ხალხის ერთმანეთზე გადაკიდება, მკვლელობებს, განზრახ მკვლელობებს და შეკვეთილ მკვლელობებს გეგმავდნენ”,- ამბობს “ალტ-ინფოს” დამფუძნებელი.
ცნობისთვის, კოკა მორგოშია, თბილისის ცენტრში მოკლული ლევან ჯანგველაძის შეკვეთილი მკვლელობის საქმის ერთ-ერთი მოწმეა.
მორგოშია ამბობს, რომ ყოფილი მთავარი პროკურორი, ოთარ ფარცხალაძე, რომელიც ე.წ. კანონიერი ქურდის ძმის მკვლელობის საქმეზე მიცემული ჩვენების გამო, მასზე გაბრაზდა და მისი ლიკვიდაციის გეგმას, მოსკოვის ერთ-ერთ რესტორანში განიხილავდა.