2008 წლის რუსეთ-საქართველოს ომი ექიმმა ლევან რატიანმა გადაცემაში „ექიმები“ გაიხსენა. მან იმ მძიმე ვითარებაზე ისაუბრა, რომლის გადატანაც რუსული აგრესიის პერიოდში მოუწია.
რატიანის თქმით, პროფესიული საქმიანობის შესრულების დროს მას დაჭრილი ჯარისკაცების გამოყვანა და კონკრეტულ ადგილზე გადაყვანა ევალებოდა. რატიანი იხსენებს, რომ ერთ-ერთი მორიგეობის დროს ბომბი მათგან 50 მეტრში ჩამოვარდა.
„ეს იყო საშინელება… წარმომიდგენია ამ პერიოდში უკრაინელი ხალხი რას განიცდის. მაშინ სასწრაფოს ექიმი ვიყავი და ჩვენი ძირითადი ფუნქცია დაჭრილების გამოყვანა და კონკრეტულ ლოკაციაზე გადაყვანა იყო. გადაგვყავდა იქ, სადაც ექიმების ბანაკები იყო და პაციენტს პირველად დახმარებას ვუწევით, ან გორის ჰოსპიტალში, ასევე თბილისში. ბრიგადაში ორი ექიმი ვიყავით. როდესაც გორი იბომბებოდა, გვქონდა მითითება, რომ როგორც კი დაბომბვის ხმას გავიგებდით, აუცილებლად უნდა ჩავსილიყავით მაქანიდან. ძალიან ახლოს გაისმა დაბომბვის ხმა, დაახლოებით, ჩვენგან 50 მეტრში ჩამოვარდა ბომბი. მახსოვს ჩემი მეწყვილე ექიმის განწირული ხმა. ორნი ვიყავით მორიგეობაში. ჩემთან მყოფ ექიმ ქალბატონის ჩემხელა შვილები ჰყავდა. რომ დავწექი მიწაზე, ზევიდან დამახტა ვიღაც და დამიფარა ხელებით, ბომბი რომ არ მომხვედროდა. ის დედაჩემი არ იყო, მაგრამ ჰქონდა დედური განცდა. შენი ასაკის შვილები მყავს და არ გაინძრე, რამე არ მოგივიდესო”, – გაიხსენა ლევან რატიანმა.
559 ნახვა
