ნიკო კვარაცხელიას მკვლელობის ორგანიზების ფაქტზე ბრალდებული გურამ და დავით კაკულიები 2022 წელს, არაყიშვილის ქუჩაზე მომხდარი დაჭრისთვის იხდიან სასჯელს – ამ საქმესთან დაკავშირებით მათ 9-9 წლით თავისუფლების აღკვეთა აქვთ შეფარდებული.
დღეს პროკურატურამ განაცხადა, რომ ნიკო კვარაცხელიას საქმე გახსნილია. უწყების განცხადებით, მომხდარი ნიკოს მამაზე ე.წ. კანონიერ ქურდ გია კვარაცხელიაზე შურისძიებას უკავშირდებოდა. საქმეზე ბრალი წარედგინათ გურამ და დავით კაკულიებს, ასევე ზურაბ ჟვანიას შვილს – ბუსა ჟვანიას. ბუსა ჟვანიაზე ძებნა გამოცხადდა.