“მადლობა ღმერთს” – ასე ეხმიანება თბილისის ცენტრში 5 წლის წინ ჩაცხრილული ახალგაზრდის, ნიკო კვარაცხელიას დედა, იზა ომაძე პროკურატურის განცხადებას სოციალურ ქსელში.
ცნობისთვის, საქართველოს პროკურატურაში აცხადებენ, რომ თბილისში მოკლული ნიკო კვარაცხელიას მკვლელობის საქმე გახსნა.
როგორც თბილისის პროკურორმა, გიორგი მიქაიამ განაცხადა, პროკურატურა ნიკო კვარაცხელიას შეკვეთით, ჯგუფურად განზრახ მკვლელობის ორგანიზების ფაქტზე გურამ კაკულიას, დავით კაკულიას და ბესარიონ ჟვანიას ბრალდებას წარუდგენს.
იზა ომაძე წერს, რომ მისთვის ახალი არაფერია და მოგვიანებით საზოგადოებას ყველაფერს მოუყვება.
მადლობა ღმერთს და თქვენ ჩემო მეგობრებო, არ ავჩქარდეთ, ჩემთვის ახალი არაფერია, ხუთი წელია ამაა ვითხოვ!!!!
ყველაფერს მოგიყვებით დაწვრილებით!!!” – წერს იზა ომაძე.