განათლების სამინისტროსთან პროტესტია. “ანტიეროვნული რეფორმა” ამ შინაარსის ბანერებით არიან ადგილზე მისულები სტუდენტები. მოქალაქეები სხვადასხვა ფორმით ცდილობენ, შენობაში მყოფ ადამიანებს საკუთარი ხმა გააგონონ. ისინი მიიჩნევენ, რომ კობახიძის განათლების რეფორმა მათთვის და მომავალი თაობისთვის დამაზიანებელია.
ხარებისეული ფრაზებიც მოვიყვანე აქ, ხალხის მოტყუებას, ხელისუფლებას, მინისტრებს ურჩევნიათ, როგორც იესო ქრისტე ამბობს, ყელზე დოლაბის ქვა შეიბან. გთხოვთ, ნუ ატყუებთ ხალხს. ძალიან ბევრი მიმართულება, რომელიც დღეს სჭირდება საზოგადოების სოციალური თუ ეკონომიკური სისტემის განვიტარებისთვის, მაგალითად, კლინიკური ფსიქოლოგია, ფსიქიკური ჯანმრთელობა, ეს ის პროფესიებია, რომელთანაც მე მაქვს პირადად შეხება და ვიცი, რა გაკეთდა, რა ძალისხმევა და შრომა აქვთ ადამიანებს ჩაყრილი, – ამბობს აქციის მონაწილე.
აქციის კიდევ ერთი მონაწილე ფიქრობს, რომ “ოცნების” ხელისუფლება ილიაუნის ხელმძღვანელობას და იმ სტუდენტების ნაწილს სჯის, რომლებიც მათ მიმართ კრიტიკულად არიან განწყობილები.
ეს იყო, ფაქტობრივად, დასჯა იმ ურჩი პროფესურის თუ ადმინისტრაციის, თუ სტუდენტების ნაწილის, რომლებიც კრიტიკულად არიან განწყობილები. პრინციპში, ჩვენ ხომ ვიცით, რომ ამ რეფორმას ბევრ სხვა მიზეზებთან ერთად ეგეც უდევს სარჩულად, რომ უნდათ, რომ უნივერსიტეტებში, თავსიუფალი აზრის სივრცეში, ყველანაირი თავისუფლების კუნძული ამოქოლონ, – ამბობს აკადემიური სფეროს წარმოადგენელი.