“ჩვენ გვაქვს კონსტიტუციური წყობილება, კონსტიტუციური წესრიგი, რომელიც უნდა იყოს მკაცრად დაცული. ამას უზრუნველყოფს კონსტიტუცია და ეს დამატებით უნდა უზრუნველყოს კანონმდებლობამ. თუ კონკრეტული პირების ქმედებები საფრთხეს უქმნის ქვეყნის კონსტიტუციურ წყობილებას, ამ შემთხვევაში უნდა იმოქმედოს კანონმდებლობამ… რუსეთის ფედერაცია და 4 სხვა ქვეყანა არ აღიარებს საქართველოს ხელისუფლების იურისდიქციას საქართველოს ტერიტორიის 20%-ზე და საქართველოში არიან ექსტრემისტული ძალები, რომლებიც არ აღიარებენ საქართველოს ხელისუფლების იურისდიქციას ქვეყნის ტერიტორიის 100%-ზე. ჩვენ ვუპირისპირდებით ერთსაც და მეორესაც. ერთ შემთხვევაში ვუპირისპირდებით ოკუპაციის შესახებ კანონით, მეორე შემთხვევაში ვუპირისპირდებით ექსტრემიზმის შესახებ ჩანაწერით – ამბობს კობახიძე ოცნების საკანონმდებლო ინიციატივაზე, რომლითაც, ხელისუფლების სისტემური არაღიარება 3 წლამდე პატიმრობით დაისჯება
დღეს, 16 თებერვალს, იურიდიულ საკითხთა კომიტეტზე ცნობილი გახდა, რომ ოცნებას ცვლილება შეაქვს სისხლის სამართლის კოდექსშიც, რომლის მიხედვითაც ხელისუფლების სისტემური არაღიარება 3 წლამდე პატიმრობით დაისჯება
რუსეთი და 4 სხვა ქვეყანა არ აღიარებს საქართველოს ხელისუფლების იურისდიქციას საქართველოს ტერიტორიის 20%-ზე და საქართველოში არიან ექსტრემისტული ძალები, რომლებიც არ აღიარებენ საქართველოს ხელისუფლების იურისდიქციას ქვეყნის ტერიტორიის 100%-ზე. ჩვენ ვუპირისპირდებით ერთსაც და მეორესაც – ირაკლი კობახიძე
