მუსიკოსი, მაია დარსმელიძე თბილისში, ერთ-ერთ სავაჭრო ობიექტზე რუსი მოქალაქის მიერ შექმნილ ინციდენტს სოციალურ ქსელში ეხმაურება.
“მესმის, შეიძლება იმდენმა ეძახა იმ რუსს “რუსსკი კარაბლი”-ს მსგავსი რაღაცები, რომ ერთხელაც ნერვებმა უმტყუნა და გაცოფდა. რაღაც მომენტში ადამიანურად შემეცოდა კიდეც… მაგრამ მე თუ ჩემი სამარცხვინო მთავრობის გამო უხერხულში ვარ და ბოდიშებიც შემიძლია ვუხადო უკრაინას, ეს რუსი, რომლის მთავრობას მთელი მსოფლიო ვერ იტანს, მინიმუმ მოკეტილი რატომ არ უნდა დადიოდეს?”, – წერს დარსმელიძე “ფეისბუქი” -ს პირად გვერდზე.
სოციალური ქსელის მომხმარებელმა მარიკა ჯუღელმა გაავრცელა ვიდეო, სადაც ჩანს, რომ ერთ-ერთ სუპერმარკეტში რუსეთის მოქალაქე აგრესიული ქმედებებით გამოირჩევა.
” აი, ეს მთვრალი, აგრესორი არსება თავს დამესხა კარფურში. პირბადე არ გაიკეთა დაცვის მოთხოვნაზე და შარფი ააფრიალა, ჩვენს ქვეყანაში ჩვენს წესებს დაემორჩილეთ-თქო და ხელით გამოიწია ჩემზე”, – წერს მარიკა ჯუღელი.