ლევან ჯანგველაძის საქმის ერთ-ერთმა მთავარმა მოწმე გია ჩადუნელმა სასამართლოში ჩვენება მისცა. იგი წლების განმავლობაში ბიზნესმენის მძღოლისა და მცველის ფუნქციებს ასრულებდა.
საქმის მასალების მიხედვით, საბედისწერო დღეს ჯანგველაძე მკვლელობის ადგილას სწორედ გია ჩადუნელმა მიიყვანა. მოწმის განცხადებით, მას თან ჰქონდა იარაღიც. სასამართლო განხილვაზე ყურადღება გამახვილდა იმ გარემოებაზე, რომ თავდასხმის დროს ჩადუნელის მხრიდან რეაგირება არ დაფიქსირებულა.
დაახლოებით ექვსსაათიანი გამოკითხვისას მოწმემ დეტალურად აღწერა 14 მარტის მოვლენები. მისი თქმით, ბიზნესმენმა სამძიმარზე ასვლამდე სთხოვა, მანქანაში დარჩენილიყო, თუმცა აღნიშნულ მოთხოვნას არ დაემორჩილა.
სასამართლო პროცესზე ასევე განიხილეს მოწმის ინფორმაცია ოთარ ფარცხალაძესთან ჯანგველაძის ურთიერთობის შესახებ. გია ჩადუნელმა აღნიშნა, რომ 2024 წელს ფარცხალაძესთან ორი შეხვედრა შედგა. მისი თქმით, ბოლო შეხვედრის შემდეგ ჯანგველაძე უკმაყოფილო იყო.