საკანონმდებლო მაცნეზე 2026 წლის საბაკალავრო პროგრამებისთვის გამოყოფილი კვოტები გამოქვეყნდა, რომლის მიხედვითაც, “ერთი ქალაქი ერთი ფაკულტეტის” ფარგლებში, ოცნება სახელმწიფო უნივერსიტეტებში კვოტებს ჟურნალისტიკის ფაკულტეტზეც ამცირებს. წელს კვოტა 240-დან 165-მდე შემცირდება
თბილისში სახელმწიფო უნივერსიტეტებს შორის ჟურნალისტიკის ფაკულტეტზე მიღება მხოლოდ თსუ-ს ექნება. 2025 წელთან შედარებით მიღების მოცულობა თავად თსუ-შიც შემცირდება. თუ 2025 წელს თსუ-ს ჟურნალისტიკის ფაკულტეტზე 130 ადგილი იყო, 2026 წლისთვის ეს რაოდენობა 95-მდე მცირდება.
ჟურნალისტიკის ფაკულტეტზე მიღება აღარ ექნება სტუ-ს. ბათუმის შოთა რუსთაველის უნივერსიტეტში ჟურნალისტიკის მიმართულებით მიღება უცვლელი რჩება – 20 ადგილი. ბათუმის ხელოვნების სახელმწიფო უნივერსიტეტში მიღება 10 იყო და 2026 წელს ასევე 10 იქნება.