უნგრეთის ოპოზიციური პარტიის, „ტიზას“ ლიდერ პიტერ მაგიარს პირადი ცხოვრების ამსახველი კადრები გაუვრცელეს. ამ შემთხვევასთან დაკავშირებით მაგიარმა სოციალურ ქსელში ვიდეომიმართვა გაავრცელა.
მაგიარი ამ ინციდენტს კლასიკურ კომპრომატად მიიჩნევს, რომელიც მისი შანტაჟისა და დისკრედიტაციისკენ არის მიმართული. პოლიტიკოსმა ვიდეოს გავრცელება ვიქტორ ორბანის პარტია „ფიდესთან“ დაახლოებულ პირებს დაუკავშირა.
როგორც ოპოზიციური პარტიის ლიდერი აცხადებს, ვიდეო 2024 წლის აგვისტოს თვეშია გადაღებული. მოვლენები კი შემდეგნაირად განვითარდა.
„ტიზას“ ღონისძიების შემდეგ მაგიარი მისმა ყოფილმა პარტნიორმა წვეულებაზე დაპატიჟა. წვეულება ერთ-ერთ სახლში იმართებოდა და, როგორც მედია იუწყება, ვიდეოკადრებში, სავარაუდოდ, ნარკოტიკული ნივთიერებებიც ჩანს. მაგიარმა ხაზგასმით აღნიშნა, რომ მას არანაირი საეჭვო ნივთიერება არ მიუღია. წვეულების შემდეგ კი მაგიარსა და მის ყოფილ პარტნიორს შორის ამსახველი სექსუალური კადრები ჩუმად იყო გადაღებული.
როგორც მაგიარი ამბობს, პირადი ცხოვრების ამსახველი კადრების გავრცელების მიზანი ფსიქოლოგიური ზეწოლა და გადამწყვეტი არჩევნების წინ მისი რეპუტაციის შელახვის მცდელობაა.