“ოცნება“ ერჩის იმ უნივერსიტეტებს, სადაც ყველაზე მეტი დემოკრატიაა – სიმონ ჯანაშია

პარტია „თავისუფლების მოედნის“ ერთ-ერთი ლიდერი, სიმონ ჯანაშია სამ ამოცანას ასახელებს, რომელიც “ოცნებამ“ განათლების რეფორმის სახელით ჩაიფიქრა.

მისი თქმით, პირველი – ეს არის პოლიტიკური კონტროლის დამყარება უმაღლეს განათლებაზე, მეორე – პრივატიზება უნივერსიტეტების და მათი შენობების და მესამე – გადაარჩინოს ივანიშვილის უნივერსიტეტი, რომელშიც სტუდენტებს სწავლა არ უნდათ.

ჯანაშიას თქმით, ივანიშვილის გუნდი ყველაზე მეტად ერჩის იმ უნივერსიტეტებს, სადაც ყველაზე მეტი დემოკრატიაა.

“ქართული ოცნება“ ცდილობს, ყველა დემოკრატიული და თავისუფალი ინსტიტუცია გაანადგუროს, ყველაზე მეტად ერჩის იმ უნივერსიტეტებს, სადაც ყველაზე მეტი დემოკრატიაა. იქ სადაც თვითონ დაანიშნინა რექტორები, იმ უნივერსიტეტებს ყველაზე ნაკლებად ერჩის, იქ კი, სადაც რექტორებს აკადემიური საზოგადოება ირჩევს, იმ უნივერსიტეტებს რეალურად აუქმებს. “ოცნებას“ აქვს სამი ამოცანა – ერთი, პოლიტიკური კონტროლი დაამყაროს უმაღლეს განათლებაზე, მეორე – პრივატიზებას აკეთებს უნივერსიტეტების და მათი შენობების, რომ ეს ხელში ჩაიგდოს, და მესამე – გადაარჩინოს ივანიშვილის უნივერსიტეტი, რომელშიც სტუდენტებს სწავლა არ უნდათ, – ამბობს სიმონ ჯანაშია.