შინაგან საქმეთა სამინისტროს პოლიციის თანამშრომლებმა, ჯანმრთელობის განზრახ მსუბუქი დაზიანების, ძალადობისა და მუქარის ბრალდებით, 1998 წელს დაბადებული გ.ნ. და 1999 წელს დაბადებული, წარსულში ნასამართლევი, მ.ნ. დააკავეს.
შინაგან საქმეთა სამინისტროს მიერ გავრცეებულ განცხადებაში ვკითხულობთ – “გამოძიებით დადგინდა, რომ ბრალდებულები წარსულში არსებული კონფლიქტის ნიადაგზე, 2004 წელს დაბადებულ მ.ძ.-ს ფიზიკურად გაუსწორდნენ და ცივი იარაღით დაზიანება მიაყენეს, რის შემდეგაც შემთხვევის ადგილიდან მიიმალნენ”
დაშავებული, შესაბამისი სამედიცინო დახმარების გაწევის მიზნით, კლინიკაში გადაიყვანეს.
“სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად გ.ნ. და მ.ნ. ბრალდებულის სახით დააკავეს, ხოლო დანაშაულის ჩადენის იარაღი – დანა ნივთმტკიცების სახით ამოიღეს” – განაცხადა პროკურატურამ
გამოძიება საქართველოს სისხლის სამართლის კოდექსის 120-ე, 126-ე და 151-ე მუხლებით მიმდინარეობს, რაც 2 წლამდე ვადით თავისუფლების აღკვეთას ითვალისწინებს