ნიკა გვარამია თავისუფალია – 8-თვიანი პატიმრობის შემდეგ, “კოალიცია ცვლილებისთვის” ლიდერმა ციხე დატოვა. გვარამიას პატიმრობა წულუკიანის კომისიაზე გამოუცხადებლობის გამო ჰქონდა მისჯილი. ანალოგიური ბრალდებით ასევე დააკავეს ნიკა მელია, ზურაბ გირჩი ჯაფარიძე, გიორგი ვაშაძე, ირაკლი ოქრუაშვილი, გივი თარგამაძე, ბადრი ჯაფარიძე და მამუკა ხაზარაძე. ბადრი ჯაფარიძემ და მამუკა ხაზარაძემ საპატიმრო 4 სექტემბერს დატოვეს, ისინი მიხეილ ყაველაშვილმა შეიწყალა. რუსთავის ციხე უკვე დატოვეს ზურაბ გირჩი ჯაფარიძემ, გიორგი ვაშაძემ და გივი თარგამაძემ.
