“არ ჩავა აშშ-ის ვიცე-პრეზიდენტი იმ ქვეყანაში, სადაც ადამიანებს აწამებენ, სადაც ადამიანებს უკანონოდ აპატიმრებენ, სადაც პოლიტიკური პარტიების აკრძალვას აპირებენ, სადაც გამოხატვის თავისუფლება იზღუდება” – ამის შესახებ პოლიტიკოსმა და დიპლომატმა, გია ჯაფარიძემ განაცხადა.
- გია ჯაფარიძე აშშ-ის ვიცე-პრეზიდენტის, ჯეი დი ვენსის რეგიონში ვიზიტს გამოეხმაურა, რომლის მარშრუტშიც საქართველო არ მოხვდა.
გია ჯაფარიძის თქმით, “ქართულმა ოცნებამ” საქართველო მოაქცია სრულ საერთაშორისო იზოლაციაში.
“ქართულმა ოცნებამ” საქართველო მოაქცია სრულ საერთაშორისო იზოლაციაში. აშშ-ის ვიცე-პრეზიდენტის ვიზიტი რეგიონში მნიშვნელოვანია მთლიანად რეგიონისთვის, მაგრამ ვიცე-პრეზიდენტი ჩავიდა ორ ჩვენ მეზობელ ქვეყანაში და არ ჩამოდის საქართველოში, ეს არის თავიდან ბოლომდე “ქართული ოცნების” დამსახურება. არ ჩავა აშშ-ის ვიცე-პრეზიდენტი იმ ქვეყანაში, სადაც ადამიანებს აწამებენ, სადაც ადამიანებს უკანონოდ აპატიმრებენ, სადაც პოლიტიკური პარტიების აკრძალვას აპირებენ, სადაც გამოხატვის თავისუფლება იზღუდება. იგივე ვიცე-პრეზიდენტის მიუნხენის უსაფრთხოების [კონფერენციაზე] შარშანდელი გამოსვლა გაიხსენეთ, ამის საწინააღმდეგოს აკეთებს ყველაფერს “ქართული ოცნება”…
არავინ გააკეთებს ჩვენ ნაცვლად ჩვენ საქმეს, თუ ჩვენ არ გვექნება სურვილი, რომ ვიყოთ დაცულობის და კეთილდღეობის სივრცის ნაწილი, ჩვენ იქ არავინ გვექაჩება – NATO შეიქმნა საქართველოს გარეშე, ევროპის კავშირი, ეს 500 მილიონი დასახლებული სივრცე კეთილდღეობის, დაცულობის, განვითარების, ჩვენს გარეშე შეიქმნა, როცა ევროპული და ევროატლანტიკური პროექტი დაიწყეს საქართველო საერთოდ საბჭოთა კავშირის ნაწილი იყო. ჩვენ იქ არავინ გვექაჩება, ჩვენ გვინდა თვითონ, რომ ვიყოთ განვითარებული, დაცული ქვეყანა, დაცულობაში არ ვგულისხმობ მხოლოდ უსაფრთხოებას ვთქვათ საგარეო ფაქტორებისგან, მტრებისგან, დაცულობა არის ყველანაირი, რომ არ ჰქონდეს ჩვენ პენსიონერს საფიქრალი იყიდოს ძვალი, მოხარშოს და მიირთვას ხორცის გემოზე, თუ იყიდოს წამალი, ესეც დაცულობის ნაწილია… ჩვენ თუ არ გვექნება სურვილი, რომ ჩვენმა პენსიონერებმაც ღირსეულად იცხოვრონ, ჩვენმა ახალგაზრდებმა კარგი განათლება მიიღონ და პესპექტივა ჰქონდეთ ცხოვრებაში, საკუთარი თავის რეალიზაცია შეძლონ, ჩვენ თუ არ გვექნება სურვილი, რომ ვიყოთ დამოუკიდებელი, თავისუფალი ქვეყანა, სხვას რატომ უნდა ჰქონდეს ჩვენს ნაცვლად ეს სურვილი…” – განაცხადა გია ჯაფარიძემ.