"გთხოვთ ნუ ყიდულობთ ლურჯ-ყვითელ ჰუდებს სოლიდარობის გამოსახატად..."

თეატრმცოდნე, ტელეწამყვანი, წითელი ჯვრის კეთილი ნების საპატიო ელჩი, ნიკოლოზ წულუკიძე, რომელიც უკრაინაში იმყოფება, სოციალურ ქსელში რამდენიმე ფოტოსურათს აქვეყნებს და წერს, რომ უკრაინის დროშის ფერებში ჰუდებსა და სხვა აქსესუარებში დახარჯული თანხა სჯობს, დახმარების სახით უკრაინელ ხალხს გადაურიცხონ.

“რომ იცოდეთ რა ბედნიერი ვარ, სადაც კი საქართველოს დროშით გვხედავენ მოდიან და მადლობას გვეუბნებიან, ამ ქვეყანაში განსაკუთრებულად უყვართ საქართველო და ქართველები. გთხოვთ ნუ ყიდულობთ ლურჯ-ყვითელ ჰუდებს სოლიდარობის გამოსახატად, ვისაც მართლა დახმარება გინდათ გადარიცხეთ თანხა. ზოგიერთ ქალაქში ხალხი შიმშილობს. არ იშოვება საწვავი, წყალი, არ არის ელექტრო ენერგია.

P.S. ეს მოლდაველი ქალი ჩერნევცის საერთო საცხოვრებლის დირექტორია, 300 კაცი შეიფარა და წითელი ჯვრის დახმარების მიღებამდე ქუჩა-ქუჩა აგროვებდა დევნილებისთვის საკვებს. მესამე დღეა სირენა არ ჩართულა და ბუნკერში არ ჩავსულვართო.

იმედის დღე /Imedis Dge -ში მოგიყვებით. Georgia Red Cross Society / საქართველოს წითელი ჯვრის საზოგადოება “, – წერს წულუკიძე “ფეისბუქი”-ს პირად გვერდზე და ურთავს ფოტოებს.