დღეს სასამართლოში ასამართლებდნენ საქართველოში მოქმედი ყველა პოლიტიკური პარტიის ლიდერს მხოლოდ იმის გამო, რომ ისინი აკრიტიკებდნენ ივანიშვილს, – ამის შესახებ “საერთაშორისო გამჭვირვალობა საქართველოს” (TI) აღმასრულებელი დირექტორი, ეკა გიგაური სოციალურ ქსელში წერს.
მისი თქმით, “ქვეყანას ჰყავს 100-ზე მეტი პოლიტიკური პატიმარი, რომლებიც უკანონოდ დააკავეს, აწამეს და ქიმიური ნივთიერებებით მოწამლეს.“
გიგაური მიიჩნევს, რომ ამ რეალობაში ყველა სხვა, თუნდაც ძალიან მნიშვნელოვანი რეფორმა და მასზე მთავრობასთან დებატი მეორეხარისხოვანია.
დღეს სასამართლოში ასამართლებდნენ საქართველოში მოქმედი ყველა პოლიტიკური პარტიის ლიდერს მხოლოდ იმის გამო, რომ ისინი აკეთებდნენ პოლიტიკურ განცხადებებს და აკრიტიკებდნენ ივანიშვილს. ამავე დროს, ქვეყანაში გვყავს 100-ზე მეტი პოლიტიკური პატიმარი, რომლებიც უკანონოდ დააკავეს, აწამეს და ქიმიური ნივთიერებებით მოწამლეს. ასეთ ვითარებაში ყველა სხვა, თუნდაც ძალიან მნიშვნელოვანი რეფორმა და მასზე მთავრობასთან დებატი მეორეხარისხოვანია და ქმნის მცდარ განცდას, თითქოს ქვეყანაში არაფერი ხდება და თითქოს ისევ იმ რეალობაში ვცხოვრობთ, სადაც განსხვავებული აზრის გამოხატვა და პროტესტი არაა საშიში და ჩვეულებრივი დემოკრატიული პროცესის ნაწილია. არავის ვასწავლი ჭკუას,განსაკუთრებით მათ, ვისაც პატივს ვცემ. უბრალოდ გთხოვთ დაფიქრდეთ ამაზე,- წერს გიგაური.