ნიკა მელიას ანგარიშზე, ბოლო ერთ წელში, მეოთხე სისხლის სამართლოს საქმეა აღძრული. ოპოზიციის ლიდერს რუსთავის მე-12 პენიტენციურ დაწესებულებაში, დღეს, გამომძიებლებმა შეაკითხეს და სასამართლოს შეურაცხყოფისთვის ახალი ბრალი წაუყენეს. საქმე ნოემბერში გამართულ სასამართლო პროცესს ეხება. მელია ჯერ გაიტაცეს, შემდეგ კი გატაცებულ პოლიტიკოსს ჯარიმა დააკისრა მოსამართლე ქოჩქიანმა, ახლა ციხეში მყოფს ახალი ბრალდება წარუდგინეს.
საქმის მასალებით დასტურდება, რომ მელიას წინააღმდეგ გამოძიების დაწყება სასამართლოს თავმჯდომარემ მოითხოვა. საქმეში მოსამართლე ქოჩქიანის მდივნისა და მანდატურის სამსახურის თანამშრომლების ჩვენებები დევს. გამოძიება ამ 5 თვის განმავლობაში არ დაინტერესდა მოსამართლე ქოჩქიანის ჩვენებით – საქმეში მისი ჩვენება არ დევს.
რუსთავის მე-12 დაწესებულებაში მისულ გამომძიებლებს უჭირთ საქმის დეტალებზე საუბარი. არ იციან რას აკეთებდა 5 თვის განმავლობაში საგამოძიებო უწყება. რა ახალი გარემოება გამოვლინდა რის გამოც 9-თვაინ პატიმრობაში მყოფი ნიკა მელიასთვის ახალი ბრალის წარდგენა გახდა საჭირო.
მე-9 თვეა კოალიცია “ცვლილებისთვის” ლიდერი წულუკიანის კომისიაზე გამოუცხადებლობის გამოა დაკავებული, ციხეში მელიას მეორე ბრალი მოსამართლის გაწუწვის საქმეზე დააწიეს, შემდეგ საბოტაჟის მუხლით მისცეს პასუხისგებაში და ახლა “ოცნების” პროკურატურა დამატებით 2 წლიანი სასჯელით ემუქრება. ოპოზიციონერის ოჯახის წევრები დარწმუნებულები არიან რომ რეჟიმს პოლიტიკოსის გატეხვა უნდა.
კიდევ ერთი საქმე რის გამოც მელია პასუხისგებაშია მიცემული – საბოტაჟის საქმეა. ამ საქმეზე ოპოზიციონერი ლიდერების სასამართლო სხდომა ხვალაა ჩანიშნული. ის, რომ სასამართლოს პოლიტიკურ ინსტრუმენტად იყენებს ივანიშვილის რეჟიმი ეს “ოცნების” ოპონენტებისთვის ცხადია, სხდომას ხვალ “ძლიერი საქართველოს” ლიდერები დაესწრებიან.
მამუკა ხაზარაძეს, ბადრი ჯაფარიძე, ნიკა მელიას და ნიკა გვარამიას გამოძიება საბოტაჟის მუხლით ასამართლებს და მათ 2 დან 4 წლამდე პატიმრობა ემუქრებათ. ბრალდებულის სკამზე იქნება ხვალ საქართველოს მესამე პრეზიდენტიც. პროკურატურა ამტკიცებს, რომ მიხელ სააკაშვილმა სახელმწიფო დამხობისკენ მოუწოდა ხალს და ამიტომ მას 3-წლიანი მუხლით ასამართლებენ.