იდუმალებით მოცული ბულგარელი ქალის, ვანგელიას (ვანგა) წინასწარმეტყველებები საზოგადოებაში კვლავაც დიდ ინტერესს იწვევს და დისკუსიის საგანს წარმოადგენს.
ბულგარელი წინასწამჭვრეტელის ბიოგრაფია იდუმალებითაა მოცული.
ვანგას ფენომენალური უნარი 1940 წელს გამოვლინდა, თუმცა, ამის ნიშნები ჯერ კიდევ უსინათლოთა სახლში შეიმჩნეოდა.
ამბობენ, რომ ვანგას ჰიტლერიც კი სწვევია, რომლისთვისაც დამარცხება უწინასწარმეტყველებია; პირდაპირ უთქვამს: „თავი დაანებე რუსეთს! შენ დამარცხდები!“ და ნათქვამის დასადასტურებლად ჰიტლერის მცველები მეზობელ სახლში გაუგზავნია, სადაც კვიცი უნდა დაბადებულიყო. მანამდე კი ზედმიწევნით ზუსტად აღუწერია ჯერ კიდევ დაუბადებელი კვიცი. და რადგან ყველაფერი ზუსტად დაემთხვა, ფიურერს ვანგა გაცოფებულს დაუტოვებია.
სტალინის სიკვდილამდე ნახევარი წლით ადრე ვანგამ ბელადის სიკვდილიც იწინასწარმეტყველა, რის გამოც ციხეში მოხვდა, საპატიმროდან კი მას შემდეგ გაათავისუფლეს, როდესაც მისი პროგნოზი 100%-ით გამართლდა.
ამასთან, ვანგამ იწინასწარმეტყველა თავდასხმა ჯონ კენედიზე და ასევე ჩეხოსლოვაკიის 1968 წლის მოვლენები, რობერტ კენედის მკვლელობა და აშშ–ში საპრეზიდენტო არჩევნებზე ნიქსონის გამარჯვება.
სხვადასხვა წყაროებზე დაყრდნობით ვანგას ასევე უწინასწარმეტყველებია:
• XXI საუკუნეში ევროპა განადგურების პირამდე მივა;
• მრავალრიცხოვანი ომების გამო, მრავალი ადამიანი დაიღუპება;
• მესამე მსოფლიო ომი სწორედ ევროპის ქვეყნებში დაიწყება;
• ახლო აღმოსავლეთში კონფლიქტის გამო ბევრი ქვეყანა დაზარალდება;
• ევროპელები მუსლიმებს შეებრძოლებიან, რა დროსაც გამოყენებული იქნება ბირთვული იარაღი, რომელიც მთელ მსოფლიოს გაანადგურებს;
• დაიწყება რელიგიური კონფლიქტები, რომლებიც რამდენიმე წელი გაგრძელდება;
• მოხდება ბუნებრივი კატაკლიზმები და სტიქიური უბედურებები, რომლებიც მთელ დედამიწას მოიცავს…
„…დაიწყება წლები, როდესაც ქალაქებსა და სოფლებს მიწისძვრები და წყალდიდობები დაანგრევს, ბუნებრივი კატაკლიზმები დედამიწას შეაზანზარებს, ცუდი ადამიანები სათავეში მოექცევიან, უკიდეგანოდ მომრავლდებიან მემთვრალეები, დამსმენები და მრუშები.
ადამიანებს შორის გაჩნდება მყიფე, საეჭვო კავშირები, რომლებიც იმთავითვე დასაშლელად იქნება განწირული. გრძნობები გაუფასურდება და ადამიანური ურთიერთობების სტიმული მხოლოდ ცრუ მისწრაფება, უფრო ზუსტად, ამბიცია და ეგოიზმი გახდება…“
ვანგამ მომავალთან დაკავშირებული არაერთი ინფორმაცია დატოვა, რომელიც დღემდე განხილვის საგანია, განსაკუთრებით ახლა, როდესაც მსოფლიო კვლავს ომის თვითმხილველია.
ვანგას წინასწარმეტყველებით, 2021 წელს მსოფლიოს “ძლიერი დრაკონი” შეიპყრობდა და სამი “გიგანტი” გაერთიანდებოდა. როგორც ექსპერტები განმარტავენ, “ძლიერ დრაკონში” ჩინეთი იგულისხმა.
2020 წელს ვანგას ორი წინასწარმეტყველება „ორიანის დღე“ უკავშირდებოდა. ის ირწმუნებოდა, რომ 22.02.2020 და 22.12.2020 პლანეტისა და კაცობრიობისთვის განსაკუთრებით კრიტიკული იქნებოდა. ამ თარიღებში მან საშინელი პანდემია და სხვა კიდევ უფრო სახიფათო მოვლენები იწინასწარმეტყველა. სწორედ თებერვალში სამყაროში კორონავირუსის ინფექცია გავრცელდა, რომელმაც იმ დროისთვის ჩინეთის საზღვრები დატოვა, ხოლო ინფიცირებულები სხვა ქვეყნებში გამოჩნდნენ. 22.12.2020 კიდევ ერთი ხუთი ორიანის დღე. რა მოხდა 22 დეკემბერს? ვანგას წინასწარმეტყველება ასე ჟღერდა: „მზეზე გავხურდებით და მზეს შავი ჩრდილი დაეცემა“ სწორედ ამ დღეს მზის აფეთქება, ასევე სატურნის და იუპიტერის მაქსიმალური მიახლოება მოხდა, რაც რამდენიმე ასეული წელი არ მომხდარა.
ვანგას ამბობდა, რომ 2020 წელს „გამოჩნდება რაღაც დაავადება, რომელმაც შეიძლება მთელ მსოფლიოში ეპიდემია გამოიწვიოს“. სწორედ ეს მოხდა, თუმცა არა აფრიკაში, როგორც ვანგა ირწმუნებოდა, არამედ ჩინეთში.
2020 წლის იანვარში მსოფლიომ კორონავირუსით დაინფიცირების პირველი შემთხვევების შესახებ გაიგო, რომელიც თავიდან სერიოზულად არ აღიქვეს. ვანგა წამლის შექმნაზეც მიუთითებდა.
ვანგას წინასწარმეტყველება კორონავირუსის შესახებ პანდემიის დასრულების პროგნოზებსაც შეიცავს, რაც 2021 წლის მარტის თარიღდებოდა.
ვანგა კაცობრიობის აყვავებისა და განვითარების ახალი რაუნდის დაწყებაზე 2022 წელს მოიზრებდა.
მისი წინასწარმეტყველებით, 2022 წელს დესტრუქციულ მოვლენებს უნდა ველოდოთ მთელს მსოფლიოში. თუმცა, ბულგარელი წინასწარმეტყველი იმასაც დასძენდა, რომ ცვლილებები შეიძლება იყოს პოზიტიურიც, 2022 წელს ვანგა კაცობრიობის აყვავებისა და განვითარების ახალი რაუნდის დაწყებას არ გამორიცხავს.
ამასთან, მისი წინასწარმეტყველების თანახმად, მსოფლიოში შიმშილი 2028 წლისთვის დასრულდება, დედამიწა ადამიანების ცხოვრებისთვის გამოუსადეგარი 2341 წლისთვის გახდება, ხოლო მარსის კოლონიები ბირთვულ იარაღს 2256 წლისთვის შეიძენენ.
სიკვდილის წინ ვანგმა თქვა: ”დადგება სასწაულების დრო და დიდი აღმოჩენების დრო არამატერიალურ სფეროში. მოხდება დიდი არქეოლოგიური აღმოჩენები, რომლებიც ძირეულად შეცვლის ჩვენს სამყაროს გაგებას უძველესი დროიდან.”
ვანგას წინასწარმეტყველებით სამყაროს აღსასრული 5079 წელს დადგება.
24,689 ნახვა
