თურქეთის პრეზიდენტის, რეჯეფ თაიფ ერდოღანის მმართველი პარტია მუშაობს ახალ საკანონმდებლო ინიციატივაზე, რომელიც 16 წლამდე ასაკის ბავშვებს სოციალური მედიის გამოყენებას კანონით შეუზღუდავს – ადგილობრივი მედიის ინფორმაციით, ახალი კანონპროექტი შეეხება 16-დან 18 წლამდე მოზარდებსაც, თუმცა მათ შემთხვევაში დაწესდება გამკაცრებული კონტროლი, “რათა შემცირდეს თინეიჯერების ფიზიკური და მენტალური ჯანმრთელობის საფრთხის რისკები”.
მედიის ცნობით, ინიციატივა ითვალისწინებს ისეთ ზომებს, როგორიცაა 18 წლამდე ასაკის არასრულწლოვანების მიერ გამოყენებული მოწყობილობებისთვის ღამით ინტერნეტის შეზღუდვა, სოციალურ მედიაში კონტენტის სავალდებულო ფილტრაცია და სოციალური მედიის აკრძალვა 16 წლამდე
„ჩვენი მიზანია, დავიცვათ ჩვენი შვილები ყველა სახის დამოკიდებულებისგან, მათ შორის ციფრულისგან“ – განუცხადა Reuters-ს თურქეთის პარლამენტის ადამიანის უფლებათა საგამოძიებო კომიტეტის წევრმა ჰარუნ მერტოღლუმ
თურქეთი არ არის ერთადერთი ქვეყანა, რომელიც ამ
საკითხზე მსჯელობს. გასულ წელს ავსტრალია გახდა პირველი ქვეყანა, რომელმაც 16 წლამდე ბავშვებს სოციალური ქსელების გამოყენება აუკრძალა. მსგავს ზომებს განიხილავენ საფრანგეთი, ესპანეთი, თურქეთი და გერმანიაც. ევროპარლამენტმა კი უკვე მიიღო არასავალდებულო რეზოლუცია, რომელიც ევროკავშირის მასშტაბით 16-წლიანი ასაკობრივი ზღვარის დაწესებას უჭერს მხარს.
16 წლამდე ბავშვებისთვის სოციალური მედიის აკრძალვას თურქეთიც გეგმავს
