ზუგდიდში, ბაშაურის ქუჩაზე, დევნილების ყოფილი საცხოვრებელი დაიწვა. შემთხვევის შედეგად არავინ დაშავებულა, როგორც პირველებმა გავარკვიეთ, სახლში ამ ეტაპზე არავინ ცხოვრობდა.
უცნობია ხანძრის გამომწვევი მიზეზი. ადგილზე ხუთი სახანძრო-სამაშველო ბრიგადა იყო მობილიზებული. როგორც, საგანგებო სიტუაციების მართვის სამსახური გვიდასტურებს ხანძარი ლიკვიდირებულია. ადგილზე რჩებიან ექსპერტ-კრიმინალისტები, მომხდარზე გამოძიება დაწყებულია.