“სინდისის პატიმრებს ციხეში შეზღუდვები დაუწესეს” – ლევან ბეჟაშვილი

სინდისის პატიმრებს შეზღუდვები დაუწესეს – ამ ინფორმაციას “პირველებს” “ნაციონალური მოძრაობის” ერთ-ერთი ლიდერი აწვდის.

“გუშინ ვიმყოფებოდი გლდანის საპყრობილეში და მოვინახულე პოლიტპატიმარი ირაკლი ნადირაძე. მისიი და სხვა სინდისის პატიმრების თხოვნა იყო, საზოგადოებას და მედიას მიეწოდოს ინფორმაცია, რომ სინდისის პატიმრებს შეეზღუდათ საზოგადოებასთან სატელეფონო კომუნიკაციის საშუალება და 10 დღეში ერთელ ექნებათ საშუალება სატელეფონო ზარები განახორციელონ ოჯახის წევრებთან, ახლობლებთან, მედიასაშუალებებთან. ეს ყველაფერი ბუნებრივია უკავშირდება მათ აქტიურობას, მედია ჩართვებს. რეჟიმისთვის ბუნებრივია მტკივნეულია ის ალალი, მართალი სამართლიანი სიტყვა, რაც დღეს ივანიშვილის საპყრობილიდან ისმის სინდისის პატიმრების მიერ. ბუნებრივია, მათ ეს აწუხებთ, ამიტომ ამ ღონისძიებებს მიმართეს.

პირადა რეზო კიკნაძე და სხვა სინდისის პატიმრები ამ შეზღუდვას უკავშირებენ მათი მხრიდან სატელევიზიო გადაცემებში ჩართვას და ციხეში არსებულ ვითარებაზე მათ კომენტარებს. ასევე მათ შეხედულებებს მიმდინარე მოვლენებზე” – ამბობს ლევან ბეჟაშვილი.