ვოლოდიმირ ზელენსკი განცხადებას ავრცელებს

მოსკოვს უნდა წაერთვას სიცივის უკრაინის წინააღმდეგ ბერკეტად გამოყენების შესაძლებლობა, ამისთვის საჭიროა რაკეტები Patriot-ისთვის, NASAMS-ისთვის და სხვა სისტემებისთვის – აღნიშნულის შესახებ უკრაინის პრეზიდენტი ვოლოდიმირ ზელენსკი სოციალურ პლატფორმა X-ზე წერს.

“რუსეთს ყოველდღე შეუძლია აირჩიოს რეალური დიპლომატია, მაგრამ ის ახალ დარტყმებს ირჩევს. უმნიშვნელოვანესია, რომ ყველამ, ვინც მხარს უჭერს სამმხრივ მოლაპარაკებებს, ამაზე რეაგირება მოახდინოს. მოსკოვს უნდა წაერთვას სიცივის უკრაინის წინააღმდეგ ბერკეტად გამოყენების შესაძლებლობა. ამისთვის საჭიროა რაკეტები Patriot-ისთვის, NASAMS-ისთვის და სხვა სისტემებისთვის. ყოველი მოწოდებული ტვირთი გვეხმარება ამ ზამთრის გადატანაში. მადლობას ვუხდი ყველა ჩვენს პარტნიორს, ვისაც ეს ესმის და გულწრფელად გვეხმარება“ – წერს ზელენსკი.