ბათუმში 16 წლის მოზარდი ხიდიდან გადავარდა და დაიღუპა. ინფორმაციას ამის შესახებ “ბათუმელები” ავრცელებს.
გამოცემა წერს, რომ შემთხვევა ქალაქში მდებარე ე.წ. ბონის ბაზართან მდებარე სარკინიგზო ხიდთან დღეს, საღამოს მოხდა. მათივე ცნობით, ადგილზე რამდენიმე მოზარდი ფოტოებს იღებდა.
მოზარდი ხიდიდან ვარდნის შედეგად სარკინიგზო ხიდის ქვეშ მდებარე სატვირთო მატარებლის ვაგონზე დაეცა. ადგილზე სამართალდამცველები მუშაობენ.