ბოლო რამდენიმე დღეა რუსეთში “ინსტაგრამი” ოფიციალურად შეიზღუდა. ცნობილი სახეებისთვის მისი ალტერნატივა რუსული სოციალური ქსელები და “ტელეგრამი” გახდა, რომლებსაც რუსეთში მცხოვრები ქართველი მომღერალი ქეთა თოფურიაც შეურთდა.
მან “ტელეგრამის” მეშვეობით აუდიო მიმართვა გაავრცელა, სადაც იკითხა, თუ რატომ ხდება ისე, რომ ზოგიერთი, მისთვის უცნობი ადამიანისგან ითხოვს, რომ მის მსგავსად ფიქრობდეს და განსხვავებული აზრის მიღება არ შეუძლიათ.
“რატომ ხდება ისე, რომ ზოგიერთი მისთვის სრულიად უცნობი ადამიანებისგან ითხოვს, ისე ფიქრობდნენ, როგორც თავად? – და თუ ეს ასე არ ხდება, მაშინვე აგრესია ჩნდება. უფრო მეტიც, იგივე ადამიანები, რომლებიც განსხვავებულ აზრს აკრიტიკებენ, სიტყვის თავისუფლების მომხრეები არიან და ეს საკმაოდ უცნაურია. მე თქვენ ყველას ბედნიერებას გისურვებთ. იყავით ბედნიერები, რადგან აგრესია არავის შველის”, – ამბობს ქეთა თოფურია მიმართვაში.
1,630 ნახვა
