მოსკოვში რუსეთის თავდაცვის სამინისტროს გენერალ-ლეიტენანტი ვლადიმერ ალექსეევი დაჭრეს – რუსული მედია

რუსული მედიის ინფორმაციით, მოსკოვში რუსეთის თავდაცვის სამინისტროს გენერალ-ლეიტენანტი ვლადიმერ ალექსეევი დაჭრეს. საცხოვრებელ სახლთან თავდამსხმელმა მას ზურგში რამდენჯერმე ესროლა და შემთხვევის ადგილიდან მიიმალა. რუსეთის საგამოძიებო სამსახურის განცხადებით, ალექსეევი საავადმყოფოშია გადაყვანილი. გამოძიება რუსეთის სისხლის სამართლის საქმის 30-ე მუხლის მე-3 ნაწილით, 105-ე მუხლის პირველი ნაწილით (მკვლელობის მცდელობა) და 222-ე მუხლის პირველი ნაწილით (ცეცხლსასროლი იარაღით უკანონო ვაჭრობა) მიმდინარეობს.