სამწუხაროდ არ გვაქვს ურთიერთობა, დავედით აქამდე, რომ შეიძლება ერთმანეთს გამარჯობა ვუთხრათ, – ამის შესახებ იუმორისტული გადაცემის “ვანოს Show” წამყვანმა, ვანო ჯავახიშვილმა მიშა ანდღულაძესთან დაკავშირებით საუბრისას აღნიშნა.
„მეგობრები დღესაც ვართ. დღემდე ვფიქრობ, რომ მიშა ჩემი ერთ-ერთი საუკეთესო მეგობარია. სამწუხაროდ არ გვაქვს ურთიერთობა, ეს ძალიან ცუდია, სადმე თუ შევხვდით ერთმანეთს, შეიძლება ერთმანეთს გამარჯობა ვუთხრათ… აქამდე დავედით…
ერთადერთი წყენა რაც მაქვს ჩვენ “გაყოფასთან” დაკავშირებით, (როცა ნაწილი აქეთ წამოვიდა, ნაწილი კი “რუსთავი 2”-ში დარჩა), არის ის, რომ მიშა ჩემს გვერდით არ არის. მე და მიშამ ფაქტობრივად ცხოვრება ერთად გავატარეთ… – ოჯახებში მისვლებით, მოსვლებით, ჩემი შვილის ნათლიაა… მოხდა ისე, რომ მან ასეთი არჩევანი გააკეთა. ჩვენ, შემოქმედებით გუნდს, ნიკა გვარამიას რაც ჩაფიქრებული გვქონდა, რომ ჩევძლებდით ტელევიზიის გაკეთებას, ეს ვერ დაიჯერა“, – განაცხადა ვანო ჯავახიშვილმა გადაცემაში “მხოლოდ ლელასთან”.