თბილისის საქალაქო სასამართლოში ახალგაზრდა კანონიერი ქურდის, “ჯვარსკის” დედის, მანანა ლიპარტელიანის და კიდევ რამდენიმე ბრალდებულის პროცესი მიმდინარეობს.
სასამართლო აღკვეთის ღონისძიებაზე მსჯელობს. ბრალდების მხარე დაკავებულების ე.წ. წინასწარ პატიმრობაში გაშვებას ითხოვს.
პროკურორის განმარტებით არსებობს ახალი დანაშაულის ჩადენის, მიმალვის და მტკიცებულებების განადგურების საფრთხე.
ბრალდების მხარე მოითხოვს აღკვეთის ღონისძიების სახით პატიმრობის გამოყენებას. ბრალდების მხარე დაასაბუთებს ახალი დანაშაულის ჩადენის საფრთხეზე, ასევე მიმალვის საფრთხეზე და მტკიცებულებების განადგურების საფრთხეს. სისხლის სამართლის საქმე ეფუძნება ფარულ საგამოძიებო მოქმედებებს, აუდიო მასალებს, ასევე ინფორმაციულ პატაკებს და პოლიციელთა მიერ მიცემულ ჩვენებებს.
მისთვის [მანანა ლიპარტელიანისთვის] ცნობილი იყო ქურდული სამყაროს საქმიანობის შესახებ, იგი აქტიურად ჩართული იყო თავისი შვილის კრიმინალური ავტორიტეტის დამტკიცებაში, იგი ახდენდა სატელეფონო ზარების მეშვეობით კონფერენციას, სადაც ხდებოდა ქურდული გარჩევები სხვადასხვა პირთა მიმართ,” – განაცხადა პროკურორმა, ნუგზარ ჭიტაძემ.
ჯერ-ჯერობით პროცესს დისტანციურადაც კი არ ჩართვია “ჯვარსკი”, რომელმაც დედის სასამართლოზე მონაწილეობის სურვილი გამოთქვა.
საქართველოს პროკურატურამ „კანონიერი ქურდობის”, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის და „კანონიერი ქურდისთვის” მიმართვის ფაქტებზე 60 პირს ბრალდება წარუდგინა.
პოლიციამ 45 მათგანი უკვე დაააკავა. გუშინ 6 მათგანი წინასწარ პატიმრობაში გაუშვეს.