ამერიკაში დააკავეს 48 წლის ქართველი კაცი, რომელსაც ბრალად 1 მილიონ დოლარზე მეტი ღირებულებების მოპარვა ედება

ამერიკაში დააკავეს 48 წლის ქართველი კაცი, რომელსაც ბრალად 1 მილიონ დოლარზე მეტი ღირებულების ნივთების მოპარვა ედება.
ინფორმაციას გრინვიჩის პოლიციის დეპარტამენტი ავრცელებს და წერს, რომ დეპარტამენტმა 2025 წლის ოქტომბრიდან საცხოვრებელი სახლების ძარცვის შესახებ გამოძიება აქტიურად დაიწყო, რის შედეგადაც გრიგოლი ჩაფიჩაძე დააკავეს. მათივე ცნობით, ჩაფიჩაძე დამნაშავე იყო არაერთი საცხოვრებელი სახლის ძარცვაში როგორც გრინვიჩში, ასევე ქალაქ ნიუ-კანაანში. ჩაფიჩაძის მიერ მოპარული ნივთების ჯამური ღირებულება, სავარაუდოდ, 1,015,115.00 აშშ დოლარს შეადგენს.
48 წლის ქართველს რამდენიმე ბრალი წაუყენეს, მათ შორის ქურდობისა და შეთქმულების მუხლებით. როგორც გრინვიჩის პოლიცია იუწყება, ჩაფიჩაძეს გირაო სასამართლომ 5,000,000 აშშ დოლარის ოდენობით განუსაზღვრა. გრინვიჩის პოლიციის დეპარტამენტის ინფორმაციით, ჩაფიჩაძე 29 იანვარს დააკავეს.