ტელეწამყვანი ნანუკა ჟორჟოლიანი სოციალურ ქსელში „ვრემიას“ რედაქტორს საცხოვრებელსა და სამსახურს სთავაზობს. როგორ ჟურნალისტი წერს, ის ერთადერთი რუსია, ვისაც შეიფარებს.
„ვრემიას რედაქტორი ერთადერთი რუსი იქნება, რომელსაც პირადად შევიფარებ, რუსეთიდან თუ გამოადეპორტებენ.
სამსახურსაც შევთავაზებ.
Marina Ovsyannikova -Waiting for you in Georgia”, – წერს ჟორჟოლიანი “ფეისბუქი”-ს პირად გვერდზე.
რუსეთის პირველი არხის რედაქტორის, მარინა ოვსიანნიკოვას ზუსტი ადგილსამყოფელი ჯერჯერობით უცნობია. კრემლის მიერ კონტროლირებული ტელეარხის საინფორმაციო პროგრამა „ვრემია“-ს პირდაპირი ეთერისას ოვსიანნიკოვას საპროტესტო გამოსვლის შემდეგ გავრცელდა ინფორმაცია, რომ ის დააკავეს და გადაიყვანეს პოლიციის „ოსტანკინო“-ს განყოფილებაში.
თუმცა, გამოცემა ОВД-Инфо-ს წყაროს თანახმად, მარინა ოვსიანნიკოვა აღნიშნულ განყოფილებაში არ იმყოფება.