“მას ძალიან უყვარს თავისი აშენებული ქვეყანა…”- სტუ-ს რექტორი კობახიძეზე

“ვერ დაგეთანხმებით, რომ ბატონი კობახიძე იმას იტყოდა, რომ საქართველოში ინჟინრები არ არიან, რამეთუ მას ძალიან უყვარს თავისი აშენებული ქვეყანა, რომელსაც ის ძალიან კარგად აშენებს” – ამბობს ტექნიკური უნივერსიტეტის რექტორი, დავით გურგენიძე TV პირველთან საუბრისას.
დღეს კობახიძემ თქვა: “არავითარი ტექნიკურის და ჰუმანიტარულის გაერთიანება სინამდვილეში არ ხდება. ტექნიკურ მიმართულებებს ეთმობა პროგრამების ნახევარზე ნაკლები, სტუდენტების ნახევარზე ნაკლები სწავლობს ტექნიკურ დისციპლინებს საქართველოს ტექნიკურ უნივერსიტეტში. 90-ანი წლებიდან მოყოლებული, როცა გაჩნდა ეს მთელი პრობლემები ტექნიკური მიმართულება საკუთარ უნივერსიტეტში იქცა ერთგვარ გერად. ეს არის დღევანდელი მდგომარეობა და ვიღაცას თუ არ უნდა ამის გამოსწორება, ეს არასწორია. […] დღეს არის უზარმაზარი პრობლემები. თქვენ რომ ნახოთ გამოშვება მაგალითად, მშენებლობის, ინჟინერიის მიმართულება და ა.შ. წელიწადში ხდება, მაგალითად, 300-400-500 სტუდენტის გამოშვება. არის მიმართულებები, სადაც ერთი ინჟინერი არ არსებობს ქვეყანაში”