“ასე მგონია, ჩემს შვილს ვკარგავ” – სტუ-ს პროფესორი

ასე მგონია, ჩემს შვილს ვკარგავ – ამის შესახებ “პირველებს” სტუ-ს პროფესორი ეუბნება, რომელიც ამ წუთებში უნივერსიტეტთან მიმდინარე პროტესტზე იმყოფება.

აკადემიური სფეროს წარმომადგენელი ამბობს, რომ აუცილებელია უნივერსიტეტების გაერთიანების გადაწყვეტილების მიმღებ პირებთან საუბარი.

ასე მგონია, რომ ჩემს სტუდენტს, ჩემს შვილს, ჩემს სახლს ვკარგავ. ეს ჩემთვის ძალიან მტკივნეული თემაა. აუცილებლად უნდა დაველაპარაკოთ ავტორებს. მათ აუცილებლად უნდა გავაგებინოთ, რა შეიძლება ამას მოჰყვეს. როგორ შეიძლება დავინგრეთ, სტუდენტებს რას უშვებით, ვისაც დაწყებული აქვს დაუნდათ დაასრულონ ჩვენი უნივერსიტეტი”, – ამბობს პროფესორი.

პარასკევს, 6 თებერვალს, მინისტრ გივი მიქანაძესთან თსუ-ს და სტუ-ს რექტორატის და ლექტორების გაერთიანებული შეხვედრა გაიმართება, სადაც ორი უნივერსიტეტის გაერთიანების საკითხზე საუბარი შედგება.