“გვინდა აშშ-თან სტრატეგიული პარტნიორობის განახლება სუფთა ფურცლიდან” – ირაკლი კობახიძე

ჩვენ გვინდა აშშ-თან სტრატეგიული პარტნიორობის განახლება სუფთა ფურცლიდან კონკრეტული გზამკვლევით, – ამის შესახებ განაცხადა ირაკლი კობახიძემ.

მისივე თქმით, აშშ-ის სახელმწიფო დეპარტამენტში ქართულმა მხარემ ისაუბრა იმაზე, რაზეც საჯაროდ არის საუბარი, სტრატეგიული პარტნიორობის განახლება.

„ჩვენი მხრიდან საუბარი იყო იმავეზე, რაზეც საჯაროდ ვსაუბრობთ. ჩვენ გვინდა აშშ-თან სტრატეგიული პარტნიორობის განახლება სუფთა ფურცლიდან კონკრეტული გზამკვლევით. ეს არის ჩვენი ღიად გაწვდილი ხელი. საპასუხო რეაქციას ველოდებით მოთმინებით. იმედი მაქვს, ამერიკული მხრიდან ეს საპასუხო რეაქცია იქნება. ეს არის ჩვენი ოპტიმისტური მოლოდინი. ვნახოთ, როგორ განვითარდება მოვლენები“, – განაცხადა კობახიძემ.