საქართველოს პარლამენტში პრეზიდენტ სალომე ზურაბიშვილის სიტყვით გამოსვლას, ფოტოხელოვანი გოგა ჩანადირი სოციალურ ქსელში ეხმაურება:
“ძალიან კარგი გამოსვლა ჰქონდა დღეს პარლამენტში მე-5 პრეზიდენტს.
ბევრი სწორი აქცენტი იყო.
დიახ, მთავრობის სიფრთხილეც გასაგებია და ოპოზიციის გაბედულებაც, დიახ, ყველა ვცოდავთ, განსაკუთრებით კი მაშინ, როცა სახელმწიფო გერბზე დატანილ წარწერას – “ძალა ერთობაშიას” უგულებელვყოფთ.
არც საქართველოს სიყვარულში, არც უკრაინის მხარდაჭერაში, არც ქვეყნის განვითარებაში არავის აქვს ექსკლუზიური უფლება.
ეს ყველას, ამ ქვეყნის თითოეული მოქალაქის პასუხისმგებლობაა”, – წერს ჩანადირი “ფეისბუქი”-ს პირად გვერდზე.
პარლამენტში ყოველწლიური მოხსენებით გამოსვლისას, საქართველოს პრეზიდენტმა ხელისუფლებაც და ოპოზიციაც გააკრიტიკა უკრაინის ომის ფონზე შექმნილ ვითარებაში მათ მიერ არჩეული პოლიტიკისა და ქმედებების გამო.