ჟურნალისტი თეონა ცხომელიძე სოციალურ ქსელში ავრცელებს ინფორმაციას, რომლის თანახმად, რუსეთის პრეზიდენტის შვილის ვილაში აქტივისტი შეიპარა, საკეტები შეცვალა და უკრაინელ ლტოლვილებს ეპატიჟება.
“პუტინის შვილის ვილა საფრანგეთში. აქტივისტი შეიპარა, საკეტები შეცვალა და ეპატიჟება უკრაინელ ლტოლვილებს.
აქ ვინმეს თითი არ წაუცდეს და არ მიმიწეროს შვილი რა შუაშიაო. ნერვებს ძლივს ვაკონტროლებ”, – წერს ცხომელიძე “ფეისბუქი”-ს პირად გვერდზე.
როგორც გამოცემა The Insider ვილა „ალტა მირა“ პუტინის ერთ-ერთ ქალიშვილს ეკუთვნის. პიერ აფნერმა გამოცემას განუცხადა, რომ საკეტები გამოცვალა და ვილა მზად არის მიიღოს პუტინის რეჟიმს გაქცეული ადამიანები, უპირველეს ყოვლისა კი, უკრაინელი ლტოლვილები.
აქტივისტმა “ფეისბუქზე” გამოქვეყნა ფოტო, სადაც ჩანს, რომ ზღვის სანაპიროზე მდებარე ერთ-ერთი ვილის აივანზე უკრაინის დროშით ხელში დგას.
