დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, შესაძლოა, „ფაიზერის“ 400 ათასამდე დოზა დარჩეს გამოუყენებელი, რომელსაც ვადა მარტის ბოლომდე აქვს.
როგორც მან „ინტერპრესნიუსთან“ საუბრისას განაცხადა, აღნიშნული ვაქცინის დოზები ქვეყანამ დონაციის გზით მიიღო.
“ფაიზერის” 350-400 ათასამდე დოზას მარტის ბოლომდე აქვს ვადა. სახელმწიფოს, ჯანდაცვის სამინისტროს შეკვეთილი აქვს „ფაიზერის“ ახალი დოზები, რომელსაც ქვეყანა მარტის ბოლომდე მიიღებს. ვფიქრობთ, უწყვეტად გაგრძელდება ვაქცინაციის პროცესი აპრილ-მაისშიც”, – ამბობს გამყრელიძე.
დაავადებათა კონტროლის ეროვნული ცენტრის ხელმძღვანელის განცხადებას, “აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე სოციალურ ქსელში ეხმაურება:
“ამას რომ კითხულობ, რა რეაქცია უნდა ჰკონდეს ნორმალურ მოქალაქეს?!
ჩემი რეაქცია არის მარტივი, ის ოფიციალური პირების, რომლებმაც გაფლანგეს სახელმწიფო ბიუჯეტი, უმკაცრესად უნდა დაისაჯონ!
ერთი რამ არ მესმის, სად არის ანგარიშვალდებულების მექანიზმი?!
არაპროფესიონალები მართავენ პროცესს, მოკლეს ათიათასობით მოქალაქე, გაფლანგეს ასობით მილიონი ლარი და თითქოს არაფერი!
ჯანდაცვის მინისტრი სამედიცინო სფეროს გაგებაში არ არის!
როდემდე?”, – წერს ფხაკაძე “ფეისბუქი”-ს პირად გვერდზე.
https://mix.metronome.ge/26603-2/
2,351 ნახვა
