ირანის პრეზიდენტის, მასუდ ფეზეშქიანის განცხადებით, საგარეო საქმეთა მინისტრს აშშ-თან “სამართლიანი და თანასწორი მოლაპარაკებების“ დაწყება დაავალა.
“საგარეო საქმეთა მინისტრს დავავალე, რომ სამართლიანი და თანასწორი მოლაპარაკებებისთვის ნიადაგი მოამზადოს, იმ პირობით, რომ შესაფერისი გარემო თავისუფალი იქნება მუქარისგან და არაგონივრული მოლოდინებისგან“ – წერს ირანის პრეზიდენტი X-ზე.
გამოცემა Axios-ის ცნობით, აშშ-სა და ირანს შორის ბირთვული შეთანხმების შესახებ მოლაპარაკებები პარასკევს არის დაგეგმილი. კერძოდ, მოსალოდნელია, რომ აშშ-ის პრეზიდენტის დონალდ ტრამპის სპეციალური წარმომადგენელი, სტივ უიტკოფი და ირანის საგარეო საქმეთა მინისტრი, აბას არაღჩი მოლაპარაკებებს პარასკევს, 6 თებერვალს, სტამბოლში გამართავენ.